​

Habarda bellenilişine görä, geçen ýyl iki ýurduň arasyndaky söwda dolanyşygy 600 million amerikan dollary töweregi boldy. Agzalan serginiň çäginde himiýa, nebit önümleri, gurluşyk materiallary, azyk senagaty, dokma hem-de logistika ugurlarynda gazanylan deslapky ylalaşyklaryň iki ýurduň arasyndaky söwda dolanyşygyna oňyn täsir etmegine garaşylýar.

​

Iki ýurt bank ulgamy, ulag, logistika we wiza bermek ýaly ugurlarda gurluşlaýyn päsgelçilikleri aradan aýyrmak boýunça işleri alyp barýar. Eksporty we özara söwdany işjeňleşdirmek üçin ýörite ykdysady konsorsium döredildi diýlip, habarda bellenilýär.

​

Mundan başga-da, iki ýurt ulag, tehniki-inženerçilik hyzmatdaşlygy hem-de energetika pudagyndaky hyzmatdaşlyk boýunça Ýol kartasyny işläp düzmegi meýilleşdirýärler. Şeýle hem ýol tölegleriniň peseldilmegi, ulag akymlarynyň sazlaşdyrylmagy, bilelikdäki ulag infrastrukturalarynyň döredilmegi we şäherleriň arasynda ýolagçy uçar gatnawlarynyň ýola goýulmagy göz öňünde tutulýar.

​

​

Döwlet Baştutany ýakymly mümkinçilikden peýdalanyp, Prezident Serjio Mattarella tüýs ýürekden berk jan saglyk, bagtyýarlyk we işinde üstünlikleri, Italiýa Respublikasynyň halkyna bolsa parahatçylyk, abadançylyk, gülläp ösüş arzuw etdi.

​

​

Ylmy gözlegiň awtorlary Türkmenistanyň Ylymlar akademiýasynyň Halkara ylmy-tehnologiýa parkynyň biotehnologiýalar barlaghanasynyň hünärmenleri A.Rahmanowa we D.Gadamowdyr.

​

Alunit – mikroblara garşy we agzy gamaşdyryjy häsiýetleri güýçli bolan mineraldyr. Ol deriniň gyzaran ýerlerini ýuwaşlyk bilen ýygryp, suw balansyny sazlaýar, mikroblaryň we hapalaryň ýaýramagyny çäklendirýär. Alunit geliň düzüminde alamatlary ýaşyrmak däl-de, deriniň ýerli dikeldiş derejesinde täsir edip, mineral durnuklaşdyryjy wezipesini ýerine ýetirýär.

​

Tozga fitohimiki birleşmelere baý ösümlik bolup, halk lukmançylygynda gadymdan bäri ulanylýar. Ol gyzarmany azaldýar, gyjyndyrmany ýumşadýar we dokumalaryň tebigy täzelenişini höweslendirýär.

​

Rozmarin güýçli tebigy höweslendiriji we antioksidantdyr. Onuň ekstrakty we efir bölekleri tonus beriji, mikroblara garşy we umumy berkidiji täsir edýär. Rozmariniň ysy aňyň aýdyňlygy we bedeniň güýç-kuwwaty bilen baglanyşyklydyr.

​

– Toplumlaýyn bejeriş geli bu diňe bir döwrebap serişde däl-de, eýsem, tebigy lukmançylygyň dogry we ylmy çemeleşme bilen netijelidiginiň nyşanydyr. Alunit esasyny üpjün edýär, tozga ýumşaklygy, rozmarin bolsa energiýa berýär. Bilelikde olar deriniň janly agza bolup, dogry şertlerde özüni dikeltmäge ukyplydygyny ýatladýan sazlaşyklygy döredýärler – diýip, biotehnologiýalar barlaghanasynyň müdiri Altyn Rahmanowa belleýär.

​

​

Duşuşygyň dowamynda taraplar türkmen-ýapon hyzmatdaşlygynyň häzirki meselelerini ara alyp maslahatlaşdylar.

​

Diplomatlar halkara düzümleriň çäklerinde alnyp barylýan hyzmatdaşlyga aýratyn üns berdiler. Parahatçylygy we durnukly ösüşi pugtalandyrmak maksady bilen halkara düzümleriň çäklerinde hereketleriň utgaşdyrylmagyny mundan beýläk-de dowam etdirmegiň möhümdigi nygtaldy.

​

Duşuşygyň ahyrynda Türkmenistan bilen Ýaponiýanyň arasynda ikitaraplaýyn esasda, şeýle hem halkara guramalaryň çäklerinde konstruktiw dialogy mundan beýläk-de ösdürmäge ygrarlylyk tassyklanyldy.

​

​

Bu halkara forum Täjigistan Respublikasynyň Prezidenti Emomali Rahmonyň 2023-nji ýylda Saud Arabystany Patyşalygynyň Jidda şäherinde geçirilen Merkezi Aziýa ýurtlarynyň we Aýl­agdaky arap döwletler­iniň Baştutanlarynyň birinji sammitinde iki sebitiň ýurtlarynyň arasynda ýola goýlan gatnaşyklary has-da pugtalandyrmak bilen baglylykda öňe süren başlangyjy esasynda geç­irilýär.

​

Halkara forum Merkezi Aziýa ýurtlaryndan we Aýl­agdaky arap döwletler­inden gelen wekiliýetleri, jemi 100-den gowrak gatnaşyjyny Täjigistanyň paýtagty Duşenbe şäherinde jemledi.

​

Forumyň gün tertibind­e innowasiýalar, ýaşl­ar telekeçiligi, ekol­ogiýa, bilim, sport, ­medeniýet we ýaşlar syýasaty, meýletinçilik işi we media ulgamy ýaly möh­üm ugurlara gönükdiri­len plenar mejlisler,­ sergiler hem-de beýleki dürli çäreler geçirilýär.

​

Halkara forumyň çäklerinde oňa gatnaşyjylar Täjigistanyň milli muzeýine, ýurduň türgenleriniň sport üstünlikleri bilen tanyşdyrýan sergä, hünärmentçilik bilen bagly medeni ojaklara baryp gördüler we küýzegärçilige degişli ussatlyk sapagyna gatnaşdylar.

​

Şeýle-de olar ilkinji täjik döwletini esaslandyryjy Ismoil Somoniniň ýadygärligine gül goýdular.

​

Foruma gatnaşyjylar Täjigistanyň gadymy Gissar galasyna hem baryp gördüler we ol ýerdäki taryhy ýadygärlikler, milli gymmatlyklar bilen tanyşdylar.

​

Halkara çärä gatnaşýan ýurtlaryň wekiliýet agzalarynyň bilelikde bag ekmekleri bolsa halklaryň arasyndaky dostlugyň, hyzmatdaşlygyň uzak geljegi nazarlaýandygynyň simwolik nyşany boldy.

​

Forumyň jemleri boýunça ­Duşenbe deklarasiýasy­nyň kabul edilmegi me­ýilleşdirilýär. Şeýle­ hem sport çäreleri, IT­-taslamalaryň sergisi­ we konse­rt geçiriler.

​

Dost-doganlyk ruhunda geçýän forum öz işini dowam edýär.

​

Türkmenistanyň ýaşlar wekili­ýetiniň şeýle halkara forumlara yzygiderli gatn­aşmagy ýurtda üstünlikli alny­p barylýan döwlet ýaş­lar syýasatynyň ajaýyp netijesidir. Munuň özi "Türkmenistanyň ýaşlarynyň halkara hyzmatdaşlygynyň 2023 --- 2030-njy ýyllar üçin Strategiýasynyň" üstünlikli durmuşa geçirilýändiginiň hem nobatdaky aýdyň mysalydyr.

​

Halkara parahatçylyk we ynanyşmak ýylynda geçirilýän şeýle forumlar ýaşlar­yň öz ukyp-başarnyklaryny açyp görkezmegine, parahatçylykly ­ösüşe hyzmat edýän ba­şlangyçlaryň döremegi­ne itergi berýär.

​

​

Bu maksatnama BMG-niň Baş Assambleýasy tarapyndan dekabr aýynda kabul edildi we bäş ileri tutulýan ugry öz içine alýar: gurluşyk taýdan özgertmeler, infrastruktura ösüşi, söwda amallarynyň ýeňilleşdirilmegi, sebit integrasiýasy we durnuklylygyň ýokarlandyrylmagy. Resminama bäş esasy başlangyç bilen berkidildi: global infrastruktura maýa goýum gaznasy, sebitleýin oba hojalyk ylmy-barlag merkezleri, BMG-niň ýokary derejeli geçelge azatlygy topary, sanly aragatnaşyk başlangyçlary we Bütindünýä Söwda Guramasynyň söwda boýunça iş maksatnamasy.

​

Maslahat deňze çykalgasy bolmadyk ýurtlaryň (DÇBÝ) öňünde duran esasy meseleleri, ilkinji nobatda — deňiz portlaryna elýeterliligiň çäklidigini çözmegi maksat edinýär. Guramaçylaryň maglumatyna görä, şeýle döwletlerde ulag çykdajylary 30% ýokary, ýükleriň daşalmagy bolsa, kenarýaka ýurtlara garanyňda, 35–45 gün dowam edýär. Kenarýaka döwletlerde bu 15–20 günüň dowamynda amala aşyrylýar.

​

Yklym ýurtlarynyň ykdysady görkezijileri hem ep-esli pesdir. Olaryň ýyllyk jemi içerki önüminiň ösüşi 2–3% derejesinde bolup, kenarýaka ýurtlarda bolsa bu görkeziji 4–5%-e ýetýär. Adam başyna düşýän JIÖ dünýä ortaçasyndan 40–60% az, olaryň dünýä söwdasyndaky paýy bolsa 1%-den hem az. DÇBÝ eksportynyň esasy bölegini çig mallar düzýär, olaryň paýy 80%-den ýokary. JIÖ-niň 17%-e çenli bölegi oba hojalygy toplumyndan emele gelýär, bu ýerde zähmete ukyply ilatyň ýarysyndan gowragy işleýär, bu bolsa daşarky bahalaryň üýtgemegine bolan durnuksyzlygy artdyrýar.

​

Şu babatda Merkezi Aziýa sebitde durnukly ösüşi görkezýär: soňky onýyllykda sebitiň ykdysadyýeti ýyllyk 6,2% ösüş gazandy, bu bolsa dünýä derejesindäki 2,6%-den ep-esli ýokarydyr. Sebitiň içindäki söwda dolanyşygy 4,5 esse, maýa goýumlar 2 esse, bilelikdäki kärhanalaryň sany bolsa 5 esse artdy.

​

Sebitdäki iri ulag taslamalarynyň hatarynda Hytaý–Gyrgyzystan–Özbegistan demir ýolunyň gurluşygy, Özbegistan–Türkmenistan–Eýran–Türkiýe geçelgesiniň ösüşi we Hazarüsti ulag geçelgesi bar. Energetika we bilim ulgamlarynda hyzmatdaşlyk, şeýle hem Sebitleýin Bilelikdäki Bazar we Merkezi Aziýanyň maýa goýum geňeşiniň döredilmegi boýunça işler alnyp barylýar.

​

“Türkmenistan üçin bu maslahatyň geçirilmegi diplomatik taýdan möhüm waka bolmak bilen bir hatarda, ýurdumyzyň maksatlarynyň aýan edilmegidir” diýip, BMG-niň saýtynda bellenilýär. Onda Türkmenistanyň BMG-däki hemişelik wekili Aksoltan Ataýewanyň sözleri berilýär: “Türkmenistanda Hazar deňziniň kenarynda bu forumy kabul etmek biziň üçin buýsanç. Biz ähli myhmanlary Awazada garşylamak we bu herekete gönükdirilen, transformasion maslahatda gatnaşyjylary görmek üçin sabyrsyzlyk bilen garaşýarys. Bu forum deňze çykalgasy bolmadyk ýurtlary dünýä hyzmatdaşlygynyň merkezine çykarýar”.

​

Ýatlap geçsek, LLDC 3 forumy 5–8 awgust aralygynda Awazada geçiriler.

Türkmenistanyň Milli pawilýony ýurduň ykdysadyýetiň esasy pudaklarynyň ählisinde, şol sanda onuň hususy ulgamynda gazanýan üstünlikleri, özara bähbitli uzakmöhletli hyzmatdaşlyk üçin bar bolan kuwwat bilen tanyşmaga mümkinçilik berýär.

Pawilýonda ykdysadyýetiň esasy pudaklarynyň, şol sanda ýangyç – energetika, himiýa, azyk, ýeňil, hususan-da, dokma senagatynyň önümleri, gurluşyk hem-de timarlaýyş serişdeleri we beýleki önümler görkezilýär.

Türkmenistanyň pawilýonynda halkyň täsin medeni mirasynyň aýrylmaz bölegi bolup durýan milli sungatyň däp bolan görnüşleriniň önümleri hem görkezilýär.

Görkezilýän gymmatlyklaryň hatarynda meşhur türkmen halylary we ajaýyp şaý-sepler bar diýlip, habarda bellenilýär.

​

Myhman mähirli kabul edilendigi hem-de amerikan wekiliýetine bildirilen myhmansöýerlik üçin hoşallyk bildirip, Prezident Donald Trampyň döwlet Baştutanymyza iberen mähirli salamyny we iň gowy arzuwlaryny ýetirdi.

​

Hormatly Prezidentimiz myhmany mähirli mübärekläp, Prezident Donald Trampa iň gowy arzuwlaryny beýan etdi hem-de senator Stiw Deýnsiň ýurdumyza saparynyň türkmen-amerikan dostluk gatnaşyklaryny mundan beýläk-de ösdürmäge itergi berjekdigine ynam bildirip, onuň saparynyň üstünlikli geçmegini arzuw etdi. Döwlet Baştutanymyz mümkinçilikden peýdalanyp, Amerikanyň Birleşen Ştatlarynyň Garaşsyzlygynyň şanly 250 ýyllygy mynasybetli myhmany we ABŞ-nyň halkyny ýene-de bir gezek gutlady.

​

Duşuşygyň dowamynda bellenilişi ýaly, häzirki wagtda Türkmenistan bilen ABŞ-nyň arasyndaky gatnaşyklar birek-birege hormat goýmak, ynanyşmak, düşünişmek ýörelgeleri esasynda yzygiderli ösdürilýär. Ýurtlarymyzyň arasyndaky hyzmatdaşlyk köpugurly häsiýete eýe bolup, syýasy-diplomatik, söwda-ykdysady, medeni-ynsanperwer ugurlary öz içine alýar.

​

Döwlet Baştutanymyz syýasy-diplomatik gatnaşyklar barada aýdyp, soňky ýyllarda iki ýurduň arasynda işjeň syýasy dialogyň alnyp barylýandygyny nygtady. Hormatly Prezidentimiziň “Merkezi Aziýa — ABŞ” formatyndaky sammite gatnaşmak üçin geçen ýylyň noýabrynda Waşington şäherine amala aşyran iş sapary munuň aýdyň mysalydyr. Saparyň dowamynda ABŞ-nyň Prezidenti Donald Tramp bilen söhbetdeşlikde türkmen-amerikan gatnaşyklarynyň häzirki ýagdaýy we geljekde ony has-da ösdürmek boýunça netijeli pikir alyşmalar boldy. Şeýle-de türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň şu ýylyň fewralynda Amerikanyň Birleşen Ştatlarynyň Florida ştatyna amala aşyran saparynyň ikitaraplaýyn hyzmatdaşlygy ösdürmekde wajyp ähmiýeti bellenildi. Ýokary derejedäki şeýle dialog Türkmenistan bilen ABŞ-nyň arasyndaky hyzmatdaşlygy mundan beýläk-de netijeli ösdürmek üçin möhüm syýasy esas hökmünde çykyş edýär.

​

Ýurtlarymyzyň daşary syýasy edaralarynyň arasynda işjeň hyzmatdaşlyk alnyp barylýar. Yzygiderli geçirilýän duşuşyklar halkara gün tertibiniň meseleleri boýunça pikir alyşmaga ýardam berýär. “Türkmenistan BMG tarapyndan üç gezek ykrar edilen hemişelik Bitaraplyk hukuk ýagdaýyna esaslanyp, dünýä döwletleri we abraýly halkara guramalar bilen gatnaşyklary barha giňeldýär. Ýurdumyzyň başlangyjy bilen BMG-niň Baş Assambleýasy tarapyndan dünýäde parahatçylygy, howpsuzlygy we özara ynanyşmagy üpjün etmek, energiýa serişdeleriniň howpsuzlygyny üpjün etmek, üstaşyr ulag geçelgeleriniň döredilmegi babatda birnäçe Kararnamalar kabul edildi” diýip, hormatly Prezidentimiz aýtdy we pursatdan peýdalanyp, Türkmenistanyň alyp barýan oňyn Bitaraplyk syýasatyny goldaýandygy üçin Amerikanyň Birleşen Ştatlaryna minnetdarlyk bildirdi.

​

Nygtalyşy ýaly, söwda-ykdysady hyzmatdaşlyk iki ýurduň arasyndaky gatnaşyklary ösdürmegiň geljegi uly ugurlarynyň biri bolup durýar. Bu ugurda amerikan kompaniýalary bilen hyzmatdaşlygyň oňyn tejribesi toplandy. Köp ýyllaryň dowamynda ýurdumyzda möhüm taslamalary durmuşa geçirmekde iri amerikan kompaniýalary bilen netijeli hyzmatdaşlyk ýola goýuldy. Şunuň bilen baglylykda, ykdysady gatnaşyklary utgaşdyrmakda “Türkmenistan — ABŞ” işewürlik geňeşiniň uly goşandy bellenildi. Ýakynda paýtagtymyzda bu geňeşiň maslahaty geçirildi. Ol amerikan işewür toparlarynyň wekillerine we olaryň türkmen hyzmatdaşlaryna özara bähbitli hyzmatdaşlygyň täze ugurlaryny ara alyp maslahatlaşmaga mümkinçilik berdi.

​

Duşuşygyň dowamynda döwlet Baştutanymyz ýurdumyzyň ýangyç-energetika, ulag, maliýe, bank, öňdebaryjy tehnologiýalar, emeli aň ýaly möhüm ugurlarda ABŞ bilen hyzmatdaşlyk etmäge taýýardygyny tassyklady. Ýurdumyz tebigy serişdeleriň baý gorlaryna eýe bolmak bilen, energiýa serişdelerini ibermegiň ugurlaryny diwersifikasiýalaşdyrmak strategiýasyny durmuşa geçirýär hem-de öndürijileriň, sarp edijileriň we üstaşyr geçirijileriň bähbitlerini deň derejede nazara almak esasynda özara bähbitli hyzmatdaşlygy ösdürmek ugrunda çykyş edýär. Hormatly Prezidentimiz energetika babatda sebitde geljegi uly Türkmenistan — Owganystan — Pakistan — Hindistan (TOPH) transmilli gaz geçirijisini durmuşa geçirmäge ABŞ tarapyndan berilýän ünse we goldawa ýurdumyzyň ýokary baha berýändigini aýdyp, bu taslamanyň sebitde ykdysady ösüşi, hyzmatdaşlygy berkitmäge ýardam etjekdigine ynam bildirdi.

​

Bilim, ylym, medeniýet ulgamyndaky hyzmatdaşlyk ikitaraplaýyn gatnaşyklaryň wajyp bölegi bolup durýar. Köp ýyllaryň dowamynda bu ugurlar boýunça bilelikdäki maksatnamalar durmuşa geçirildi. ABŞ-nyň Döwlet departamentiniň “Medeni mirasy gorap saklamak üçin ilçiniň gaznasy” maksatnamasynyň çäklerinde ýurdumyzda dürli ylmy-medeni çäreler guralýar. Hormatly Prezidentimiz bilim ulgamyndaky maksatnamanyň çäklerinde türkmen ýaşlarynyň ABŞ-da bilim alýandygyny, soňky ýyllarda iki ýurduň ýokary okuw mekdepleriniň arasyndaky gatnaşyklaryň işjeňleşdirilýändigini kanagatlanma bilen belläp, ýurdumyzyň halklary ýakynlaşdyrmaga ýardam berýän medeni-ynsanperwer gatnaşyklary mundan beýläk-de ösdürmäge taýýardygyny tassyklady.

​

Duşuşygyň ahyrynda hormatly Prezidentimiz Serdar Berdimuhamedow Türkmenistanyň ABŞ bilen uzak möhletli we köpugurly hyzmatdaşlygy mundan beýläk-de ösdürmäge taýýardygyny tassyklap, senator Stiw Deýnse işinde uly üstünlikleri, Amerikanyň Birleşen Ştatlarynyň halkyna bolsa parahatçylyk, abadançylyk arzuw etdi.

​

​

Türkmen halkynyň Milli Lideri Gutlagynda Türkmenistanyň Prezidentiniň adamzat ähmiýetli, parahatsöýüjilikli, ynsanperwer we köpugurly döwlet syýasatynyň raýatlaryň sagdyn durmuşy ugrundaky bimöçber aladalary hem-de ýurduň saglygy goraýyş ulgamyna hemmetaraplaýyn hemaýat etmek babatdaky oňyn tagallalary netijesinde Türkmenistanyň sagdynlygyň we ruhubelentligiň mekany hökmünde abraý-mertebesiniň belende göterilýändigi bellenilýär.

​

«Bütindünýä Saglygy Goraýyş Guramasy we Birleşen Milletler Guramasynyň düzüm birlikleri bilen hyzmatdaşlygyň köpýyllyk, oňyn tejribesi milli saglygy goraýyş ulgamynyň dürli ugurlary boýunça ençeme bilelikdäki taslamalaryň hem-de maksatnamalaryň üstünlikli durmuşa geçirilmeginiň subutnamasydyr» diýip, türkmen halkynyň Milli Lideri Gutlag hatynda belleýär.

​

​

Açyk iş orunlaryna şu wezipeler hödürlenilýär: hukukçylar, maliýe boýunça hünärmenler, işgärler we satyn alyşlary guramak boýunça hünärmenler, inženerler, zähmeti goramak we tehniki howpsuzlyk boýunça hünärmenler, buraw işlerini dolandyrmak boýunça inženerler we hünärmenler, iş ýöredijiler (awiapetekler, aeroportlar, kurýer gullugy, arhiw, wiza, aktiwler bilen işlemek ugurlary boýunça), IT-tehnikler, sürüjiler, kätipler we terjimeçiler, kabulhana işgärleri, goragçylar, arassaçylyk işgärleri, şeýle hem aşpez kömekçileri.

​

Iş ýerleri Aşgabatda we Maryda göz öňünde tutulýar. Ähli dalaşgärlere bildirilýän hökmany talap — degişli hünär boýunça üç ýyldan az bolmadyk iş tejribesi, şeýle hem rus dilini suwara bilmekdir. Hytaý dilini bilmek makullanýar.

​

Resminamalar bildiriş çap edilen gününden başlap, 30 günüň dowamynda kabul edilýär. Söhbetdeşlige diňe deslapky saýlawdan üstünlikli geçen dalaşgärler çagyrylar. Maglumatnamalar we anketalar şu salga iberilmelidir: Aşgabat ş., Bitarap Türkmenistan şaýoly, 553/3-nji jaý, «A» blok, birinji gat.

​

Bildiriş 2026-njy ýylyň 12-nji maýynda «Нейтральный Туркменистан» gazetinde çap edildi.

​

​

Mejlisiň dowamynda Komitetiň geçen ýylky işleri boýunça netijeler ara alnyp maslahatlaşyldy we geljekki döwür üçin iş maksatnamasy tassyklanyldy.
Türkmenistanyň Döwlet migrasiýa gullugynyň başlygy A.Sazakow çykyşynyň dowamynda Türkmenistanyň halkara borçnamalarynyň ýerine ýetirilmeginde gazanan netijeleri barada habar berdi. Onuň belleýşi ýaly, halkara hukugynyň kadalaryna laýyklykda, Türkmenistan 2024-nji ýylda dünýäde raýatsyzlygy ýok etmek maksadyny göz öňünde tutýan BMG-niň “#IBelong” atly Ählumumy kampaniýasyny üstünlikli tamamlady.
Türkmenistanyň Prezidenti Serdar Berdimuhamedowyň tagallalarynyň we ygrarlylygynyň netijesinde, 32 müňden gowrak raýatsyz adama Türkmenistanyň raýatlygyna kabul etmek baradaky resminamalaryň berilendigi nygtaldy.
Türkmenistan bosgunlaryň we raýatsyz adamlaryň hukuklaryny goramaga gönükdirilen täze maksatnamalary işläp düzmekde BMG-niň Bosgunlaryň işi boýunça Ýokary komissarynyň Müdirligi bilen işjeň hyzmatdaşlygy dowam etdirýär.
Sessiýanyň çäginde A.Sazakow BMG-niň Bosgunlaryň işi boýunça Ýokary komissary Filippo Grandi bilen duşuşdy. Söhbetdeşligiň dowamynda taraplar hyzmatdaşlygyň ýokary derejesini belläp, bosgunlaryň we raýatsyz adamlaryň hukuklaryny goramak boýunça ynsanperwer ugurda gatnaşyklaryň mundan beýläk-de berkidilmeginiň ähmiýetini nygtadylar.
Öz gezeginde Filippo Grandi bosgunlar meselelerine berýän aýratyn üns we goldawy üçin Türkmenistana minnetdarlyk bildirdi.

​

«Çagalar biziň kalbymyzyň buýsanjy, öýlerimiziň ýaraşygy, durmuşymyzyň gül-gunçalarydyr. Şoňa görä-de, ata Watanymyzda çagalaryň mynasyp bilim we terbiýe almaklary, sport, döredijilik bilen meşgullanyp, ukyp-başarnyklaryny artdyrmaklary ugrunda ähli zerur tagallalar edilýär. Paýtagtymyzda, Arkadag şäherinde, welaýatlarymyzda gurlup ulanmaga berilýän çagalar baglarynyň, mekdepleriň, sport, sagaldyş-dynç alyş merkezleriniň sany ýylsaýyn artýar. Her ýylda sekiz we şondan köp çagany dünýä indiren hem-de terbiýeläp ýetişdiren enelere Türkmenistanyň «Ene mähri» diýen hormatly adynyň, köp çagaly maşgalalara amatly we ýanaşyk ýerleri abadanlaşdyrylan öýleriň berilmegi hem döwlet tarapyndan edilýän hemmetaraplaýyn aladanyň beýanydyr.

​

Gözel Gökdere jülgesindäki, «Awaza» milli syýahatçylyk zolagyndaky, welaýatlardaky çagalar sagaldyş-dynç alyş merkezleri bolsa ýaş nesillerimiziň sapaly dynç alyp, wagtyny şatlykly geçirmeklerine ýardam edýär. Siziň baştutanlygyňyzda ýurdumyzda bu ugurda üstünlikli durmuşa geçirilýän syýasat, kabul edilýän maksatnamalar çagalaryň mynasyp okamaklaryna, döretmeklerine, bilimli, ylymly, beden taýdan sagdyn, Watana wepaly şahsyýetler bolup ýetişmeklerine gönükdirilendir» diýip, türkmen halkynyň Milli Lideri Gutlagynda belleýär.

​

«Siziň tagallalaryňyz bilen ösüp gelýän ýaş nesilleri durmuş taýdan goldamak, howandarlyga mätäç çagalaryň saglygynyň dikeldilmegine ýardam bermek, olaryň bagtyýar durmuşda ýaşamagy üçin amatly şertleri döretmek ugrunda alnyp barylýan işler barha rowaçlanýar. Şunda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň halkymyzyň ynsanperwerlik, haýyr-sahawatlylyk ýörelgeleri esasynda amala aşyrýan asylly işlerine hem möhüm orun degişlidir. Niçeme ynsanyň kalbynda bagtly durmuşa ynamyň döremegine sebäp bolan bu gaznanyň işi ýaş türkmenistanlylaryň nurana şu güni we röwşen geljegi baradaky aladalaryň ajaýyp nyşany hökmünde watandaşlarymyzyň giň goldawyna mynasyp bolýar.

​

Sarpasy belent Prezidentimiz!

​

«Garaşsyz, baky Bitarap Türkmenistan — bedew batly at-myradyň mekany» ýylynda-da Çagalary goramagyň halkara güni mynasybetli ýurdumyzda giň gerimli çäreler geçirilýär. Onuň milli senenamamyzyň şanly seneleriniň hataryna girizilmegi döwletimiziň ýaş nesliň hukuklary we bähbitleri babatda Milletler Bileleşiginiň esas goýujy kadalaryna ygrarlydygyny alamatlandyrýar. Türkmenistan Çaganyň hukuklary hakynda Konwensiýany tassyklan ýurtlaryň biri hökmünde BMG-niň Çagalar gaznasy (ÝUNISEF) bilen ýakyndan hyzmatdaşlyk edýär. Bu ugurda gazanylan üstünlikleriň halkara derejede ykrar edilmegi ýaşajyk raýatlarymyza iň gowy durmuş şertlerini döretmäge jogapkärçilikli çemeleşilýändigini görkezýär.

​

Hormatly Prezidentimiz!

​

Sizi bagtly çagalygyň ýurdy bolan Garaşsyz Türkmenistanda ruhubelentlikde bellenilýän Çagalary goramagyň halkara güni mynasybetli ýene-de bir gezek tüýs ýürekden gutlaýaryn. Size berk jan saglyk, uzak ömür, durmuşymyzyň gülleri bolan bagtyýar çagalara nurana geljegi peşgeş bermek ugrunda alyp barýan işleriňizde mundan beýläk-de rowaçlyklary arzuw edýärin» diýlip, Türkmenistanyň Halk Maslahatynyň Başlygynyň Gutlagynda nygtalýar.

​

​

Kanun Türkmenistanda wirtual aktiwleriň döredilmegi, goýberilmegi, saklanylmagy, ýerleşdirilmegi, ulanylmagy we dolanyşygy babatda ýüze çykýan gatnaşyklary düzgünleşdirýär hem-de olaryň hukuk, ykdysady we guramaçylyk esaslaryny kesgitleýär. Kriptowalýutalar ýurduň çäginde töleg serişdesi ýa-da walýuta hökmünde ykrar edilmez, ýöne raýat hukugynyň obýekti hökmünde hereket edip biler.

​

Maýning işine iki görnüşde rugsat berilýär: hususy telekeçiler we ýuridik şahslar üçin. Ähli maýnerler Merkezi bankda elektron görnüşde hökmany döwlet hasaba alyş sanawyna girmäge borçludyrlar. Olara şahadatnama möhletsiz berilýär.

​

Hasaba alynmak üçin eýeçiliginde maýning enjamlarynyň bolmagy, maýningiň netijesinde alnan wirtual aktiwleri ýygnamak üçin hereket edýän wirtual aktiw gapjygynyň bolmagy, ýangyn, sanitariýa we tehniki howpsuzlygyň talaplarynyň göz öňünde tutulmagy bilen, maýning enjamlaryny gurnamak üçin niýetlenen jaýlaryň elektrik üpjünçilik ulgamynyň tehniki abatlygynyň we hil taýdan talabalaýyk bolmagynyň üpjün edilmegi zerurdyr. Başga adamlaryň hasaplaýyş mümkinçiliklerini ulanyp gizlin maýningi amala aşyrmak düýbünden gadagandyr.

​

Kriptowalýuta biržalary we wirtual aktiwler bilen bagly hyzmatlaryny üpjün edijiler Merkezi bankdan berlen ygtyýarnamalar esasynda iş alyp bararlar. Müşderiler üçin kriptogapjyklary açmak diňe puluň gizlin dolanyşygyna garşy göreş kanunlaryna laýyklykda doly şahsyýeti anyklanylandan soň mümkin bolar.

​

Döwlet wirtual aktiwleriň gymmatynyň peselmegi ýa-da ýitmegi üçin jogapkärçilik çekmeýär.

​

Kanunyň doly mazmuny bilen şu salgyda tanşyp bilersiňiz.

​

​

Mikail Jabbarow mähirli kabul edilendigi hem-de azerbaýjan wekiliýetine bildirilen myhmansöýerlik üçin hoşallygyny beýan edip, Azerbaýjanda Türkmenistan bilen gatnaşyklary ösdürmäge möhüm ähmiýet berilýändigini aýtdy hem-de pursatdan peýdalanyp, Azerbaýjan Respublikasynyň Prezidenti Ilham Aliýewiň döwlet Baştutanymyza iberen mähirli salamyny, iň gowy arzuwlaryny ýetirdi. Şeýle-de myhman döwletara gatnaşyklary ilerletmekde ýokary derejedäki yzygiderli dialogyň ornuny belläp, hormatly Prezidentimiziň ýakynda Azerbaýjana amala aşyran döwlet saparynyň azerbaýjan-türkmen hyzmatdaşlygynda täze sahypany açandygyny aýtdy.

​

Hormatly Prezidentimiz hoşniýetli sözler üçin minnetdarlyk bildirip, öz gezeginde, Azerbaýjanyň Prezidentine iň gowy arzuwlaryny beýan etdi hem-de myhmanyň şu gezekki saparynyň ikitaraplaýyn söwda-ykdysady gatnaşyklary mundan beýläk-de pugtalandyrmaga möhüm goşant boljakdygyna, özara bähbitli hyzmatdaşlygy ösdürmäge täze itergi berjekdigine ynam bildirdi. Döwlet Baştutanymyz Ykdysady hyzmatdaşlyk boýunça hökümetara türkmen-azerbaýjan toparynyň nobatdaky mejlisiniň üstünlikli geçirilmegini arzuw edip, bu mejlisiň ozal gazanylan ylalaşyklary durmuşa geçirmäge, Türkmenistan bilen Azerbaýjanyň arasyndaky hyzmatdaşlygy mundan beýläk-de pugtalandyrmaga ýardam berjekdigini nygtady.

​

Duşuşygyň dowamynda bellenilişi ýaly, Türkmenistan Azerbaýjan bilen köpugurly hyzmatdaşlygy giňeltmäge uly ähmiýet berýär. Ýurtlarymyzy hem-de halklarymyzy özara hormat goýmaga, ynanyşmaga esaslanýan dostlukly we hoşniýetli goňşuçylyk gatnaşyklary baglanyşdyrýar. Häzirki wagtda ikitaraplaýyn hyzmatdaşlyk ikitaraplaýyn gün tertibiniň ähli ugurlary boýunça üstünlikli ösdürilýär. Syýasy dialog yzygiderli pugtalandyrylýar, söwda-ykdysady gatnaşyklar giňeldilýär, bilelikdäki giň möçberli taslamalar durmuşa geçirilýär.

​

Duşuşykda şu ýyl ýurdumyzda geçiriljek Merkezi Aziýa ýurtlarynyň we Azerbaýjan Respublikasynyň döwlet Baştutanlarynyň konsultatiw duşuşygynyň sebit hyzmatdaşlygyny ösdürmekde uly ähmiýete eýe boljakdygy aýdyldy. Bu sammitiň Türkmenistanyň Garaşsyz Döwletleriň Arkalaşygynda başlyklyk edýän döwründe geçirilmegi aýratyn many-mazmuna eýedir. Hormatly Prezidentimiziň ýakynda Azerbaýjan Respublikasyna amala aşyran döwlet saparynyň ikitaraplaýyn gatnaşyklaryň ösüşinde möhüm tapgyr bolandygyna, onuň çäklerinde geçirilen ýokary derejedäki gepleşikleriň dürli ugurlarda hyzmatdaşlygy mundan beýläk-de pugtalandyrmak babatda täze mümkinçilikleri açandygyna üns çekildi.

​

Söhbetdeşler ykdysady mümkinçilikleri durmuşa geçirmekde hökümetara toparyň wajyp ornuny bellediler. Bu topar söwda, logistika, ylym, tehnika ulgamlarynda hem-de beýleki ileri tutulýan ugurlarda gatnaşyklary diwersifikasiýalaşdyrmaga ýardam berýän utgaşdyryjy gural bolup çykyş edýär. Şeýle hem iki ýurduň geografik taýdan amatly ýerleşişini netijeli ulanmagyň möhümdigine üns çekildi. Munuň özi energetika ulgamynda hyzmatdaşlygy işjeňleşdirmek, halkara üstaşyr ulag geçelgelerini ösdürmek, logistika ugurlaryny kämilleşdirmek, halkara ähmiýetli bilelikdäki taslamalary durmuşa geçirmek üçin giň mümkinçilikleri açýar.

​

Medeni-ynsanperwer ulgam döwletara gatnaşyklaryň aýrylmaz bölegi bolup durýar. Şunuň bilen baglylykda, ylym, bilim, medeniýet ulgamlarynda özara hereketleri mundan beýläk-de ösdürmegiň möhümdigi bellenildi. Munuň özi halklarymyzyň arasyndaky dostlugy we özara düşünişmegi pugtalandyrmak üçin berk binýat bolup hyzmat edýär.

​

Duşuşygyň ahyrynda hormatly Prezidentimiz hem-de Azerbaýjan Respublikasynyň ykdysadyýet ministri Mikail Jabbarow däp bolan dostlukly türkmen-azerbaýjan gatnaşyklarynyň mundan beýläk-de ugurlaryň giň gerimi boýunça üstünlikli ösdüriljekdigine ynam bildirip, birek-birege we iki ýurduň doganlyk halklaryna iň gowy arzuwlaryny beýan etdiler.

​

​

Döwlet Baştutanymyz şu ýakymly mümkinçilikden peýdalanyp, Prezident Serjio Mattarella tüýs ýürekden berk jan saglyk, bagtyýarlyk we işinde üstünlikleri, Italiýa Respublikasynyň halkyna bolsa parahatçylyk, abadançylyk, gülläp ösüş arzuw etdi.

​

​

Döwlet Baştutany Türkmenistan bilen Germaniýa Federatiw Respublikasynyň arasyndaky hyzmatdaşlygyň yzygiderli berkidilýändigini we many-mazmun taýdan baýlaşdyrylýandygyny belläp, iki ýurduň arasyndaky dostlukly gatnaşyklaryň mundan beýläk-de ösdürilmegine goldaw bermäge taýýardygyny beýan etdi we özara hyzmatdaşlygyň bilelikdäki tagallalaryň netijesinde halklarymyzyň bähbidine mundan beýläk-de pugtalandyryljakdygyna ynam bildirdi.

​

Prezident Serdar Berdimuhamedow mümkinçilikden peýdalanyp, Germaniýa Federatiw Respublikasynyň Federal Prezidenti Frank-Walter Ştaýnmaýere hem-de Federal Kansleri Fridrih Merse tüýs ýürekden berk jan saglyk, bagtyýarlyk, Germaniýanyň halkyna bolsa parahatçylyk, mundan beýläk-de ösüş we rowaçlyk arzuw etdi.
3-nji oktýabrda German bitewüliginiň güni (Tag der Deutschen Einheit) bellenilip geçilýär. 1990-njy ýylda bu senede iki sany german döwleti resmi taýdan birleşdi.

​

Döwlet Baştutany howpsuzlyk ulgamyna ünsi çekip, Türkmenistanyň bu möhüm ugra onuň bitewüligi we bölünmez häsiýeti nukdaýnazaryndan seredýändigini aýtdy hem-de munuň halkara gatnaşyklaryň dünýä gurluşynda düýpli öňe gitmeleriň häzirki döwründe aýratyn möhümdigini nygtady.

​

"Şu garaýyşdan ugur alyp, Türkmenistan 2025-nji ýyly «Halkara parahatçylyk we ynanyşmak ýyly» diýip yglan etmek baradaky teklip bilen çykyş etdi" diýip, türkmen döwletiniň Baştutany aýtdy hem-de pursatdan peýdalanyp, Birleşen Milletler Guramasynyň Baş Assambleýasynyň 2024-nji ýylyň mart aýyndaky Kararnamasy bilen makullanan bu başlangyjy goldan taraplaryň ählisine minnetdarlyk bildirdi.

​

Prezident Serdar Berdimuhamedow şeýle hem Türkmenistanyň Bitaraplygyň mümkinçiliklerini ulanmaga aýratyn üns bermegi möhüm hasaplaýandygyny aýdyp, Bitaraplygyň öňüni alyş diplomatiýasynyň düzüm böleklerini we işjeň parahatçylyk döredijilik işini öz içine alýandygyna ünsi çekdi. Şunuň bilen baglylykda, döwlet Baştutany şu ýylyň 12-nji dekabrynda Aşgabatda Türkmenistanyň Bitaraplygynyň şanly 30 ýyllygyna bagyşlanyp halkara forumyň geçiriljekdigini, onda dünýä gurluşy, Ýer ýüzüniň döwletleri bilen syýasy dialogyň medeniýetini ösdürmek, ynanyşmak gatnaşyklaryny berkitmek babatda esasy meselelere serediljekdigini belledi hem-de mümkinçilikden peýdalanyp, sammite gatnaşýan döwlet we hökümet Baştutanlarynyň ählisini bu foruma gatnaşmaga çagyrdy.

​

​

Döredilenine köp wagt geçmedik hem bolsa, gazna tarapyndan, şol sanda beýleki döwletlerdäki hyzmatdaşlar bilen bilelikde ägirt uly işler alnyp baryldy. Oguljahan Atabaýewanyň Sankt-Peterburg şäherine amala aşyran sapary haýyr-sahawat gaznasynyň halkara işiniň özboluşly dowamy boldy.

​

Türkmen wekiliýetiniň ýolbaşçysy «Modanyň Arkalaşygy» halkara forumyna gatnaşmagynyň çäklerinde birnäçe wajyp duşuşyklary geçirdi. Olaryň dowamynda dürli ugurlar boýunça hyzmatdaşlygy ösdürmegiň meseleleri ara alnyp maslahatlaşyldy.

​

Döwlet Baştutany mümkinçilikden peýdalanyp, General-gubernator Meri Saýmona tüýs ýürekden berk jan saglyk, bagtyýarlyk we abadançylyk, Kanadanyň halkyna bolsa parahatçylyk, mundan beýläk-de ösüş, rowaçlyk arzuw etdi.

​

Kanadanyň güni - esasy döwlet baýramçylygy bolup, ol 1867-nji ýylyň 1-nji iýulynda güýje giren Britan Demirgazyk Amerikasy hakynda Jarnamanyň esasynda Britaniýanyň Demirgazyk Amerikadaky ähli koloniýalarynyň Kanada dominionyna birleşmegi mynasybetli bellenilip geçilýär.

Myhman wagt tapyp kabul edendigi üçin Gahryman Arkadagymyza tüýs ýürekden hoşallygyny beýan edip, Türkiýe Respublikasynyň Prezidenti Rejep Taýyp Ärdoganyň Türkmenistanyň Prezidentine we Gahryman Arkadagymyza iberen salamyny, hoşniýetli arzuwlaryny ýetirdi. Şeýle hem ol Milli Liderimizi, hormatly Prezidentimizi we tutuş türkmen halkyny giňden bellenilýän Aşgabat şäheriniň güni bilen gutlady. Ahmet Çalyk Aşgabadyň soňky ýyllarda tanalmaz derejede gözelleşendigini aýratyn nygtady.

​

Türkmen halkynyň Milli Lideri gutlaglar we hoşniýetli sözler üçin minnetdarlyk bildirip, işewüri paýtagtymyzda «Ak şäherim Aşgabat» atly köpugurly halkara serginiň we maslahatyň geçirilýän günlerinde myhmansöýer türkmen topragynda kabul etmäge örän şatdygyny aýtdy we öz adyndan hem-de hormatly Prezidentimiziň adyndan Türkiýe Respublikasynyň Prezidentine mähirli salamyny, iň gowy arzuwlaryny beýan etdi.

​

Türkiýeli işewür türkmen halkynyň Milli Lideriniň başlangyçlary esasynda, hormatly Prezidentimiziň baştutanlygynda Türkmenistanyň gazanýan uly üstünliklerine we durmuşa geçirilýän giň gerimli özgertmelere buýsanýandygyny belledi. Şeýle hem ol döwlet tarapyndan daşary ýurtly hyzmatdaşlar, hususan-da, türk kompaniýalary üçin döredilýän amatly şertleri özlerine bildirilýän uly hormat hökmünde kabul edýändigini aýtdy we ýolbaşçylyk edýän kompaniýasynyň Türkmenistanda alyp barýan işleriniň netijeleri barada hasabat berdi. Nygtalyşy ýaly, häzirki wagtda Hazaryň türkmen kenarynda utgaşykly dolanyşykda işlejek sebitde iri döwrebap elektrik stansiýasynyň, Balkan welaýatynyň Türkmenbaşy etrabynda düýbi tutulan karbamid öndürýän täze toplumyň gurluşygy batly depginde dowam edýär.

​

Türkmenistanda köp ýyllardan bäri işleýän türk kompaniýalary, esasan-da, Ahmet Çalygyň ýolbaşçylyk edýän kompaniýalar topary ýurdumyzyň senagat we durmuş maksatly möhüm binalarynyň hem-de döwrebap saglyk merkezleriniň gurluşygyna gatnaşýar. Şolaryň hatarynda paýtagtymyzyň şähergurluşyk maksatnamasynyň wajyp taslamalary bolan Halkara pediatriýa merkeziniň, Halkara onkologiýa ylmy-kliniki merkeziniň, Stomatologiýa merkeziniň, Myrat Garryýew adyndaky Türkmenistanyň Döwlet lukmançylyk uniwersitetiniň talyplary üçin geljekde lukmançylyk ugrunyň maddy-enjamlaýyn binýadyny has hem berkitmek üçin Aşgabat şäherinde 500 orunlyk köpugurly hassahananyň gurluşyklary bar.

​

Gahryman Arkadagymyz kompaniýanyň Türkmenistanyň Prezidentiniň Ahalteke atçylyk toplumyny döwrebaplaşdyrmak işlerini hem ýerine ýetirýändigini aýdyp, gurluşyklarda ýokary hil derejesiniň üpjün edilmeginiň we desgalaryň bellenen möhletlerde ulanmaga berilmeginiň möhüm talap hökmünde kesgitlenendigine ünsi çekdi. Milli Liderimiz energetika desgalaryny, saglygy goraýyş merkezlerini, atçylyk toplumyny enjamlaşdyrmakda häzirki zamanyň sanly tehnologiýalaryndan ugur alynmalydygyny, toplumlaryň işiniň ösen tejribeler we ylmyň gazananlary esasynda ýola goýulmagyna aýratyn üns berilmelidigini belledi. Aýratyn-da, Türkmenistanyň Prezidentiniň Ahalteke atçylyk toplumynda athanalaryň howa çalşygyny üpjün edýän, bedewleriň saglyk ýagdaýyny gözegçilikde saklaýan tehnologiýalaryň mümkinçiliklerinden peýdalanylmalydyr, athanalaryň düşek örtükleriniň döwrebaplygyna üns berilmelidir we bu ýerde ippoterapiýa usuly boýunça degişli çäreleri guramak üçin mümkinçilikler döredilmelidir. Munuň özi ýurdumyzy senagatlaşdyrmagyň 2030-njy ýyla çenli döwür üçin Maksatnamasynyň üstünlikli durmuşa geçirilmeginiň baş şertidir.

​

Mälim bolşy ýaly, hormatly Prezidentimiziň şu ýylyň başynda gol çeken resminamasyna laýyklykda, mukaddes Garaşsyzlygymyzyň 35 ýyllygy bellenilýän “Garaşsyz, baky Bitarap Türkmenistan — bedew batly at-myradyň mekany” ýylynda atçylyk we atçylyk sporty boýunça köp sanly çäreleriň, şol sanda halkara forumlaryň we bäsleşikleriň geçirilmegi meýilleşdirilýär. Halkara çärelerde türkmen bedewleriniň meşhurlygynyň artmagy halkymyzyň “At — myrat” diýen paýhasly jümlesiniň aýdyň beýanydyr. Pursatdan peýdalanyp, Ahmet Çalyk “Galkynyş” milli at üstündäki oýunlar toparynyň Stambul şäherinde geçirilen Halkara etnosport medeniýeti festiwalynda üstünlikli çykyş edip, ýokary derejeli baýraga mynasyp bolmagy bilen Gahryman Arkadagymyzy gutlady. Işewür bu festiwala Bilal Ärdoganyň hem gatnaşyp, behişdi türkmen bedewleriniň çykyşlaryna uly höwes bilen tomaşa edendigini we Arkadagly Gahryman Serdarymyza, Gahryman Arkadagymyza salamyny, “Galkynyş” toparynyň gazanan ýeňşi mynasybetli gutlaglaryny iberendigini aýtdy. Şeýle-de ol Niderlandlar Patyşalygynda geçiriljek atçylyk ulgamyna degişli çärelere gatnaşmaga isleg bildirýändigini belledi. Munuň özi ahalteke bedewleriniň şan-şöhratynyň barha artýandygyny görkezýär.

​

Gahryman Arkadagymyz Türkmenistanda amala aşyrylýan ähli taslamalara hemişe ylmy taýdan esaslandyrylan, innowasion hem-de ýokary netijeli çözgütleriň girizilmegini goldaýandygyny aýtdy. Şunuň bilen baglylykda, «Çalyk Holding» kompaniýasynyň mundan beýläk-de iň täze innowasion tehnologiýalary, kämil enjamlary ornaşdyrmak arkaly Türkmenistanda döwlet hem-de sebit ähmiýetli täze taslamalary amala aşyrmakda netijeli işleri dowam etdirjekdigine berk ynam bildirildi.

​

Işewür ata Watany bolan Türkmenistanda ähmiýetli taslamalaryň durmuşa geçirilmeginiň ynanylmagynyň ýolbaşçylyk edýän kompaniýasy üçin uly hormatdygyny nygtap, öz öňlerinde goýlan wezipeleriň üstünlikli ýerine ýetirilmegine örän jogapkärçilikli çemeleşjekdigine ynandyrdy.

​

Duşuşykda Milli Liderimiz Türkiýe Respublikasynyň dokma senagatynda tanalýan görnükli işewür, belli şahsyýet, Ahmet Çalygyň kakasy Mahmyt Çalygyň aradan çykmagy zerarly çuňňur gynanjyny beýan etdi. «Merhumyň jaýy jennet, ýatan ýeri ýagty bolsun!» diýip, hormatly Arkadagymyz işewüre hem-de onuň dogan-garyndaşlaryna, ýakynlaryna medet beriji sözlerini aýtdy.

​

Ahmet Çalyk medet beriji sözleri üçin Gahryman Arkadagymyza tüýs ýürekden hoşallyk bildirdi.

​

Türkmenistanda köp ýyllaryň dowamynda iş alyp barýan «Çalyk Holding» kompaniýalar toparynyň dolandyryjylar geňeşiniň başlygynyň kyblasynyň aradan çykandygy sebäpli duýgudaşlyk bildirilip, aýat okaldy. Onda merhumyň imanynyň hemra, jaýynyň jennet, ruhunyň şat bolmagy dileg edildi. Munuň özi türkmen halkynyň ýagşy dessurlarynyň häzirki döwrüň ruhuna kybap derejede dowam etdirilýändigini görkezýär.

​

Türkiýeli işewür Gahryman Arkadagymyza ýene-de bir gezek tüýs ýürekden hoşallyk bildirip, Türkmenistanda ýaýbaňlandyrylan taslamalaryň durmuşa geçirilmegine mynasyp goşant goşmak ugrunda ähli tagallalaryny gaýgyrmajakdygyny nygtady.

 ​